Ikona. Majstor. Zvijezda. Milijarderka. Kriminalka. Šefica.
Dobro došli u priču o povratku žene koja se ubila od posla da bi dospjela tu gdje jeste. Vjerujte da najbogatija žena u zemlji neće dozvoliti da sitnice poput bankrota i saveznog zatvora unište njen zlatni stil. Ona je feniks koji će se ponovo dokopati vrha.
Budite uvjereni u to.
Dame i gospodo, upoznajte Šeficu.
Melissa McCarthy, čiji su savršeni tajming i fizička komedija koja deluje kao da je radi bez po muke, učinili da njeni filmovi postanu blokbaster hitovi, igra
Michelle Darnell, industrijskog titana poslatog u zatvor zbog insajderske trgovine. Ona će se pojaviti spremna da ponovo očara Ameriku i postane doajen u finansijskom svetu, ali neće joj svi koje je zavrnula tako lako oprostiti.
Teško djetinjstvo je obilježilo
Michelle Darnell i učinilo je onakvom kakva je danas: otresita, umješna biznismenka kojoj je neumorni žar omogućio da zaradi ogromne količine novca i postane finansijska rok zvijezda s ogromnim egom koji prati Midin dodir. Njeni savjeti izazivaju pažnju svjetskih moćnika, najvećih zvijezda i prosječnih ljudi koji će dati velike pare da čuju njene riječi iz prve ruke. Međutim, uz sposobnost i bogatstvo dolazi i ljubomora ljudi koje je pregazila tokom ovih godina, a red ljudi koji je mrze je dugačak kilometrima.
Napad predvodi pompezni Renault (Dinklage), bivši kolega i ljubavnik čiju opsesiju prema novcu prevazilazi samo mržnja prema Michelle. Odmah iza njega je njena bivša mentorka Ida (Bates), koja je uspjela da zgrne veliki novac iako je njena štićenica sklapala poslove iza njenih leđa.
Kad izađe iz zatvora, realnost njene situacije će je lupiti po nosu. Ona više nema imperiju, Mekvilu, tajne račune na Kajmanskim ostrvima niti prijatelje. Pošto neće imati gdje da ode, niti koga da prevari, Michelle će pronaći bivšu asistentkinju Claire (Bell), koja će nevoljno pristati da joj ponudi smještaj na kratko u svom stanu koji dijeli s kćerkom Rachel.
U pravom Darnell stilu, Michelle će skovati sumnjivi poslovni plan za novi poduhvat, brauni imperiju koja će je sigurno katapultirati nazad u veliku ligu, a Claire obezbjediti sigurnu budućnost za nju i Rachel. To djeluje kao dobitna kombinacija dok se Michelle, boreći se s instinktom da igra nepošteno i da pređe preko mrtvih da bi dobila šta hoće, zapita da li će se vratiti na zasluženo prvo mjesto među prevarantima ili će je ljubav jedne porodice poremetiti zauvjek.
JA SAMO POBJEĐUJEM
ŠEFICA JE ROĐENA
Melissa McCarthy, Ben Falcone i Steve Mallory su se upoznali prije skoro 15 godina u Groundlingsu, losanđeleskoj trupi za improvizaciju u kojoj su stasali vrsni komičari poput Will Ferrella, Jack Black, Kristen Viig i
Jennifer Coolidge.
U ovom okruženju je cvjetala i nova komičarka koja će stvoriti neke od nezaboravnih skečeva i likova, uključujući i izuzetnog finansijskog gurua bez sluha
Michelle Darnell.
“Toliko mnogo divnih likova je stvoreno u Groundlingsu. Za mene, taj lik je bila
Michelle Darnell.,” kaže McCarthyeva. “Mnogo sam je voljela i stalno sam je vraćala u život i pričala o njoj tokom godina. Ona je nezgodna, međutim, jer je tako dinamična, žustra i samouvjerena. Ali Michelle je i neko ko vas tjera da se zapitate šta leži ispod svega toga kad kaže: ‘Meni ne treba niko osim mene same.’”
Scenarista Steve Mallory govori o Melissinoj odluci da igra problematične likove: “Mi smo svi ljudi i svi imamo dobre i loše dane. Smislili smo sjajnu pozadinu Michelline priče, koja objašnjava kako je protutnjala kroz život da bi dobila to što želi. Smatrali smo da je to zanimljivo karakterno putovanje za Michelle, da krene od nekoga ko je patio u mladosti, izgubio sve i onda na kraju shvatio šta je stvarno važno. Uvijek smo smatrali da je to sjajno putovanje za neki lik.”
McCarthyeva, Falcon i Mallory su znali da je potrebno da se Michelle pozabavi inovativnim poduhvatom koji su je i pokretali sve ove godine, da bi se vratila na vrh. Zato su joj dali Darnelline Dragane, profitabilnu verziju dobro poznatih izviđača. Michellina ekipa će se sastojati od neprilagođenih djevojčica koje prodaju browniese po Clairinom receptu. To je okosnica njenog vaskrsenja i centar priče. Vrijeme provedeno s Claire, Rachel i djevojčicama ne samo da će je ogromnom brzinom vratiti u poslovni svijet, već će je i prizemljiti i pomoći joj da otkrije šta zapravo porodica znači.